%20no-repeat%20center%20center;-webkit-background-size:cover;-moz-background-size:cover;-o-background-size:cover;background-size:%20cover;)
Karnawałowo muzyka
Zaczło sie łod tego, że nasi modzi wykupili se bilety na karnawałowo zabawa, ale piyńć dni przed terminym coś jim niy spasowało. Piniyndzy nazod wziońć niy mogli. Bezto dogodali sie mhtowali, yno nom nic niy godali, coby my sie niy rozmyślili. Tak po prowdzie, to my nikaj ze starym niy chodzymy, yny do kościoła, bo koncerty a tyjatry som zadrogi na jego pynzyjo.
Mój ślubny sie ucieszył, bo łogromnie rod tańcuje, ale jo żech zaś tako rada niy była, bo jo mało tańcuja a yno nikere konski,co znom, bo mi elefant na łucho nastompił a z tym sie niy do nic robić! Ale co było robić, darowanymu koniowi do zymbów niy zaglondajom, no to żech na tym pomysł przistoła.
Mój chopeczek wyciongnoł se ze szranku kupiony bez lato gang. Dziecka mu tu niymu kupili modro koszula, strzybny binder a synek pożyczoł mu swoji ślubne lakszuły.
Jo tyż musiałach se wyrychtować jaki friz a świyconce łoblecze, czyli karnawałowo kecka. Niy chciałach kupować nic nowego, no bo portmonej ciynki. Czasu tyż ni miałach po sklepach łazić. Moja cera padała mi, że
mo takigo kamrata, co je sztylistom niy yno łod wosów, ale tyż łod ekstra ciuchów. A mie do niego zawiozła. Synek sie na mie podziwoł a zaczon wynokwiać:
– Widziałbym Panią w tunice do połowy uda. Do tego ledżinsy. Koniecznie czarne i na to czarny surdut do połowy łydki. Będzie Pani wyglądać jak modelka z tego żurnala! – i pokozoł mi tako gazeta ze sylwestrowymi szatami.
Gizd widzioł , że mi sie łoczka zaświyciły. Łodczekoł kwilka, aż żech se wszysko połoglondała, a potym sie spytoł:
– I co pani na to?
A jo mu na to tak:
-Dyć jo to wszysko mom: tunika we czorne a złote poski prziwiozła mi cera ze Holandyje. Lydżinsów niy obleka, bo przi mojim brzuszku byda wyglondać, jak tyn chopeczek ze reklamy, co mo wszysko tanio. Mom wonski czorne galoty a dugo kamizelka, co żech kupiła ze dwa lata nazod na wyprzedaży w Katowicach i ani razu żech w ni nikaj niy była…
Cd. Do pobrania w postaci gazetki pdf do pobrania. 
Jeśli chcesz przeczytać więcej po prostu kliknij w obrazek.
Grymlino
