Szczodry wieczor

Szczodry wieczor, szczodry…

Dzisio kożdy dostaje

To, czymu serce przaje.

Jodła przebogate:

Garniec moczki,

Piernik z miodym,

Na miseczce

Makoweczki,

Roztomańte ryby

Upieczone

I w łoleju

Haryneczki…

Szczodry wieczor, szczodry…

Jak pojedli –

Jezuskowi pośpiywali,

A dziecka

Wszyski bombony

Ze chojinki

Łoszkubali…

Szczodry wieczor, szczodry…

Sypie z nieba

Śnieżek bioły

I pierzinka nowo

Dostoł las…

Na pastyrka

Już idymy

Na nos wielki czas…

Szczodry wieczor, szczodry…

________________________

Listopad 2011r.

Wyróżnienie w Ogólnopolskim Konkursie Literackim im. Jana Pocka 2012 r. (Lublin)